ৰাজ্যপালক চি বি আই তদন্তৰ দাবী কংগ্ৰেছৰ

0
27


ৰাজ্যত পঞ্চায়ত ও গ্ৰামোন্নয়ন আৰু তথ্য আৰু জনসংযোগ বিভাগৰ নিযুক্তিত ব্যাপক অনিয়ম হোৱাৰ অভিযোগৰ পাছতো কেৱল আমোলা পৰ্যায়তে তদন্ত ঘোষণা কৰি দায় সাৰিব বিচাৰিছে বিজেপি নেতৃত্বাধীন চৰকাৰখনে।

ৰাজ্যৰ হাজাৰ হাজাৰ চাকৰি প্ৰত্যাশী যুৱক-যুৱতীয়ে অৱতীৰ্ণ হোৱা এই বিভাগকেইটাৰ অনিয়মক লৈ প্ৰাৰ্থীৰ লগতে বিভিন্ন দল-সংগঠনে ইয়াৰ উচ্চ পৰ্যায়ৰ তদন্তৰ দাবী কৰি আহিছে। কিন্তু এই ক্ষেত্ৰত তিলমানো গুৰুত্ব দিয়া নাই সৰ্বানন্দ সোণোৱাল চৰকাৰে।

বৃহস্পতিবাৰে অসম প্ৰদেশ কংগ্ৰেছ কমিটিৰ এটা প্ৰতিনিধি দলে ৰাজভৱনত ৰাজ্যপাল জগদীশ মুখীক সাক্ষাৎ কৰি এই নিযুক্তি কেলেংকাৰিৰ বিষয়ে অৱগত কৰোৱায়। লগতে ৰাজ্যপালক ইয়াৰ চি বি আই তদন্তৰ দাবী জনাই এখন স্মাৰক পত্ৰও প্ৰদান কৰে।

প্ৰদেশ কংগ্ৰেছৰ সাধাৰণ সম্পাদক (প্ৰশাসন) শৈলেন বৰাৰ নেতৃত্বত যোৱা প্ৰতিনিধি দলটোৱে ৰাজ্যপালক সাক্ষাৎ কৰি পঞ্চায়ত আৰু গ্ৰামোন্নয়ন বিভাগত শেহতীয়া নিযুক্তিত মন্ত্ৰী নৱ দলেৰ আত্মীয় আৰু বিজেপি নেতা কৰ্মী আৰু তেওঁলোকৰ পৰিয়ালৰ লোকেহে চাকৰি পাইছে বুলি অভিযোগ কৰে।

একেদৰে জনসংযোগৰ নিযুক্তিও সম্পূৰ্ণ নীতিবহিৰ্ভূতভাৱে হোৱা বুলিও প্ৰতিনিধি দলটোৱে ৰাজ্যপালক জনায়।

উল্লেখ্য যে, পঞ্চায়ত আৰু গ্ৰামোন্নয়নৰ ৯৪৫ টা আৰু জনসংযোগৰ ৬৪ টা পদৰ বাবে পৰীক্ষা অনুষ্ঠিত হৈছিল। পঞ্চায়ত আৰু গ্ৰামোন্নয়নৰ নিযুক্তিত হোৱা অনিয়ম সন্দৰ্ভত বাতৰি প্ৰকাশ পোৱাৰ পাছতেই মুখ্য মন্ত্ৰী সৰ্বানন্দ সোণোৱালে অতিৰিক্ত মুখ্য সচিৱ জিষ্ণু বৰুৱাক বিষয়টোৰ তদন্তৰ নিৰ্দেশ দিছে। কিন্তু এই এজনীয়া তদন্ত কমিটিক লৈ আশ্বস্ত হোৱা নাই চাকৰি প্ৰাৰ্থীৰ লগতে বিভিন্ন দল-সংগঠন।



Source link

[Total: 0    Average: 0/5]

LEAVE A REPLY

Please enter your comment!
Please enter your name here