ৰাহুলজীৰ দৰে সৎ, স্পষ্টবাদী নেতা দ্বিতীয় নাই

0
21


কংগ্ৰেছত যোগদানৰ দুঘণ্টাৰ ভিতৰতে অসম চৰকাৰৰ অৱসৰপ্ৰাপ্ত অতিৰিক্ত মুখ্য সচিব এম জি ভি কে ভানুক দেখা গ’ল ৰাহুল গান্ধীৰ নেতৃত্বৰ বন্দনা কৰা। আজি ৰাজীৱ ভৱনত যোগদান সমাৰোহত দলটোত যোগদান কৰাৰ পিছতে প্ৰাক্তন আই এছ বিষয়াজনে নিজৰ আনন্দ প্ৰকাশ কৰে টুইটাৰত।

“শ্ৰী ৰাহুল গান্ধীজীৰ গতিশীল নেতৃত্বৰ অধীনত কংগ্ৰেছৰ হৈ কাম কৰিবলৈ পাই আনন্দিত আৰু আৱেগিক হৈ পৰিছো”, আজি গুৱাহাটীত ভাৰতীয় জাতীয় কংগ্ৰেছত যোগদানৰ বাতৰি দি ভানুৱে কয়। তেওঁ অসমৰ বাবে ভাৰতীয় প্ৰশাসনিক সেৱাত ৩৩ বছৰ কাম কৰাৰ কথাও উল্লেখ কৰে টুইটটোত।

ইপিনে সংবাদ মাধ্যমৰ আগতো তেওঁ কংগ্ৰেছৰ ৰাষ্ট্ৰীয় সভাপতিজনৰ প্ৰশংসাত পঞ্চমুখ হয়। দলটোত যোগদানৰ পিছত সংবাদ মাধ্যমৰ আগত “ৰাহুল গান্ধীৰ দৰে নিষ্ঠাৱান, সৎ আৰু স্পষ্টবাদী নেতা দ্বিতীয় এজন নাই” বুলি মন্তব্য কৰে।

অৱশ্যে মন্ত্ৰী হিমন্তই বিজেপিত যোগদান কৰিয়েই মোদীৰ গুণানুকীৰ্তন কৰাৰ দৰে এম জি কে ভানুৱেও ৰাহুল-বন্দনাত লগাত আচৰিত হোৱা নাই ৰাজ্যবাসী। ৰাষ্ট্ৰীয় নেতৃত্বৰ নিৰন্তৰ গুণানুকীৰ্তনৰ ৰাজ্যিক নেতাৰ ৰাজনৈতিক উচ্চাকাংক্ষাৰ সৈতে সম্পৰ্ক থকাটো সৰ্বজন বিদিত।

উল্লেখ কৰিব পাৰি যে আজি কংগ্ৰেছত যোগদান কৰা ভানু আগন্তুক লোকসভা নিৰ্বাচনত তেজপুৰৰ পৰা প্ৰাৰ্থিত্ব প্ৰয়াসী। চাকৰি কালত তেজপুৰত তেওঁ বহুদিন নিষ্ঠাসহকাৰে সেৱা আগ বঢ়াইছিল, যাৰ বাবে তেজপুৰবাসীয়ে যথেষ্ট শ্ৰদ্ধা কৰে।

 





Source link

[Total: 0    Average: 0/5]

LEAVE A REPLY

Please enter your comment!
Please enter your name here